Duniya badi ajeeb si dastaan hai, jameen sabki alag alag par sir k upar ek hi aasmaan hai, yaha kisi ko dil se milne ki fursat hi nahi hai, dil ko log aaj kal credit card me band karke ghoomte hain, rishto ki gahrai ko samjhe itni fursat ab kaha hai, kabhi raaste me kisi purane dost ko dekh kar muskurahat aa hi jati hai, par din bhar ki bhag daud me un purani yaado ko sochne ki fursat ab kaha hai, Cycle se scooter, scooter se bike aur bike se car tak k safar me jindgi gujar gayi, manjil paane ki hod me, aage nikalne ki hod me, na jaane kitni baar raasto ki khoobsurti ko ignore kiya, manjil to pa li ab lekin ab wapas laut ke phir se khoobsoorat lamho ko jeene ki fursat kaha hai. Subah subah roj bachhe ke jaagne se pahle hi roj nikal gaye office, aur jab aaye tab usko sota paaya, chaadar ke ander hi wo kab 5 se 15 ka ho gaya pata hi nahi chala, ab sochte ho ki uske bachpan ki tasveer kaha hai. Kya din the wo jab School me prayer ke waqt bani line me lagte the dosto ke sath, aaj traffic signal pe red light pe anjaane chehro k sath khade ho, dil me hazaar sawal, dimag me hazaar tension, apne liye koi waqt hi nahi, ma ke hath ki rotiyon ki jagah kab Pizza ne le li pata hi nahi chala, jindagi ko jeene nikle the, agar yahi jeena hai dosto to jeena kya hai?
0 comments:
Post a Comment